RECICLAXE

2011-12-08T13:54:00.001+01:00

Por problemas burocráticos a Organización decidiu cancelar a edición de Nadal do Reciclaxe. O ingreso do diñeiro será devolto canto antes, xa que a cancelación do evento é por parte da Organización. Contactade connosco vía email, por favor. Esperamos chegar a próxima edición con moita forza e aínda máis novedades. De novo moitísimas moitísimas grazas a todos pola entrega diaria e mil disculpas.

Saúdos, a Organización do Reciclaxe

MAPA RECICLAXE

2011-09-02T03:00:00.005+02:00

Xa temos mapa para que ninguén se nos perda.

Mañá daremos máis información de horarios e actividades...

OS LOCAIS DEFINITIVOS SON:

2011-09-01T20:12:00.001+02:00

LA RESERVA, LA FIESTA DE LOS MANIQUÍES, BOOMBOOM ROOM, IRMANDIÑOS, EL GOLEM con exposicións artísticas, BLACKBALL, EL GATO NEGRO, LA FÁBRICA DE CHOCOLATE, BIZARRE con exposicións artísticas, MOGAMBO, O BATALLÓN, CANTINA CANDELA, LA CASA DE ARRIBA, PLAYMOVIL, MINIPLAY con exposicións artísticas, EL MONSTRUO DE UN SOLO OJO e LA ESTRELLA...

POR FAVOR necesitamos a máxima difusión posible nos locais, xa que hai algunha baixa e novas incorporacións !!

2011-08-28T16:35:00.002+02:00

Estamos a traballar nesta bonita tarde de domingo na repartición dos locais dos 120 participantes desta edición do Reciclaxe Churruca. Pero parecer ser que hai problemas coa banca electrónica e non podemos acceder a ela e comprobar os pagos. Intentamos facer a repartición estar tarde, pero non hai maneira... Pedimos disculpas a todos por non poder enviar o email de confirmación de locais, ¡ pero non podemos facer nada !

Se alguén mañán non recibe ningún mail, por favor chamade a calquera dos dous móbiles que tedes nas normas, de este xeito, será máis rápida a xestión.

¡¡ Graciñas a todos e a prepararse para o sábado !!

FESTA PRESENTACIÓN RECICLAXE 2011

2011-08-23T15:35:00.006+02:00

deseño: David Sierra Martínez

O Reciclaxe 2011 preséntase este xoves 25 cos concertos de Fluzo e Guerrera en La Fábrica de Chocolate de Vigo

O multievento Reciclaxe na súa edición de 2011 preséntase este xoves, día 25, cos concertos de Fluzo e Guerrera, en La Fábrica de Chocolate (Rogelio Abalde, 22), ubicada no popular barrio de Churruca. As entradas estarán á venda na porta e terán un custe de 5 euros.

Ademais, as primeiras 50 entradas terán un agasallo en forma de galleta, que Mmmh! Tartas de Bea elaborará coa ocasión desde evento en especial.

Tamén haberá un sorteo de dúas entradas para o festival Metamovida , colaboradores do Reciclaxe, e de camisetas e bolsas conmemorativas desta edición.

Con esta cita musical, o Reciclaxe 2011 comeza a súa andaina para rematar o sábado día 3 de setembro cos actos centrais deste evento, entre os que se atopan exposicións, mostras, obradoiros e a razón da súa existencia, o mercadillo.

FLUZO

Fluzo representan a vertiente máis experimental e renovadora do hip hopnacional. Fluzo son Javi e Hevi. Javier Álvarez, artista e productor de longa traxectoria tras nomes coma Néboa, Bravido ou Dúo Cobra. Hevi (Malandrómeda, Non Residentz, Juanito Broders) seguramente é un dos mellores MCs en lingua galega . No seu proxecto en común, a vella escola dase a mano con IDM, a música de 8bits, o low-fi e o jazz experimental. Contrabaixos ó lado de casiotones modificados, ventos que se comunican con sintetizadores monofónicos, commodores que falan e gameboys mutantes codeándose con hammons e vibráfonos.. Eles o teñen claro, "é o regreso do rap do futuro. Pode que non entendades esta música, pero vaille encantar as vosas fillas".

GUERRERA

A mezcla de blues, stoner e psicodelia que suda este grupo enriba do escenario, faite viaxar dende o trance hipnótico das partes repetitivas a cabalgadas rítmicas interminables, pasando por duelos de guitarras ou sos de armónica. Formada por catro compoñeentes que veñen de tocar en bandas coma Ictus, Hollywater ou CUZO.

PANDA JARRAI DJ SET

PANDA é Alberto Baamonde e JARRAI é Santi Jarrai, xuntos forman este dúo rompepistas, destroza cadeiras, e desencaixa mandíbulas, moitos son os calificativos que acompañan a “Panda Jarrai” durante os máis de 15 anos de existencia nos escenarios de media Galicia. O dúo vigués ten preparada para a festa de presentación do Reciclaxe 2011 unha sesión “neomonumental” para o desparrame e despiporre da parroquia.

VÉMONOS O XOVES!!!

XA TEMOS CARTEL!!

2011-08-21T12:52:00.008+02:00

Debido á gran demanda de xente que quere participar no Reciclaxe, vímonos obrigados a sumar máis bares a esta gran familia, é un orgullo para nós crecer así de rápido, e sempre tan ben rodeados.

Aquí vos presentamos o cartel definitivo (obra coma sempre do noso querido david sierra). Pregámosvos que lle deades a máxima difusión posible imprimíndoo e pegándoo onde vos pareza, subíndoo ao voso blog, facebook, twitter, etc. Grazas de antemán!

Os bares que participan este ano son: LA CASA DE ARRIBA, PLAYMOBIL, MINIPLAY, BAUHAUS, GOLEM, BIZARRE, LOLITA, CANTINA CANDELA, O BATALLÓN, LA FÁBRICA DE CHOCOLATE, LA FIESTA DE LOS MANIQUÍES,
LA RESERVA, EL GATO NEGRO, BOOM BOOM ROOM, MOGAMBO e BLACKBALL, todos están no barrio de Churruca.

A repartición de postos non estará lista ata a semana próxima, xa que tivemos que ampliar o prazo de inscripción ata o martes 23, así que pedimos un pouco de paciencia.

2011-08-18T02:27:00.003+02:00

Primeiro agradecer a compañía e a atención na reunión desta tarde. Sentimos si estivemos un pouco espesos, pero canta máis cercana é a data, máis traballo hai.

Pero bueno, comezamos a informar ós que non pudéchedes vir esta tarde:

Os locáis definitivos escribirémolos mañán no FB e neste blog
A repartición dos locáis será o martes 23 de agosto, se tedes algunha preferencia de local, por favor, escribídeo ó mail (reciclaxe.churruca@gmail.com)
O ingreso da cuota por stand deberá facerse antes do domingo 21 de agosto, por favor
Os locáis para as exposicións determinarémolos o martes 23 de agosto
A repartición dos DJ´S será enviada a cada dilléi por privado na semana do 29 de agosto
Acordádevos de acumular lixo reciclado para o taller de nenos e nenas do 3 de setembro no Miniplay (antigo Ruralita)
Xa sabedes, se tedes recortes, noticias gardadas de internet, traédeas o 3 de setembro e as colgaremos no tablón que situaremos na parede do Bauhaus !
A xente que non envíe mail NON TERÁ DEREITO A ESTAR O 3 DE SETEMBRO EN NINGÚN LOCAL

Polo demáis, pregamos un pouquiño de paciencia e que si tedes algunha dúbida POR FAVOR, enviade mails ou chamade, non hai problema !! Grazas e un saúdo a todos.

¡¡Falta pouco para reciclar!!

2011-08-16T01:37:00.008+02:00

Xa queda pouquiño para o Reciclaxe deste ano e para iso estamos ultimando temas. Polo que informamos por aqui tamén que: este mércores 17 de agosto a iso das 19,30 h., na Casa de Arriba ( Martín Códax 3, Vigo ) faremos unha pequena reunión para aclarar dúbidas e falar un pouco do que é Reciclaxe Churruca. Non imos a obrigar a ninguén a asistir, pero é unha ocasión perfecta para coñecernos e falar de temas importantes do Reciclaxe.

Recordamos tamén que o domingo 21 de agosto pechamos o prazo de inscrición, asi que...¡¡bulir, que non queremos que ninguén quede fora!! Xa sabedes, para calquera cousa: reciclaxe.churruca@gmail.com

Reciclaxe 2011 ten novo enderezo electrónico

2011-07-19T09:00:00.002+02:00

AVISO IMPORTANTE: se queredes participar no Reciclaxe 2011, tanto montando un posto, como pinchando, expoñendo a vosa obra ou colaborando de calquera outro xeito, tedes que enviarnos OBRIGATORIAMENTE un mail ao novo enderezo electrónico reciclaxe.churruca@gmail.com. Non vale que vos apuntedes na páxina de Facebook, nos mails das edicións anteriores, nin a través de calquera outro método. Só responderemos á xente que o faga a reciclaxe.churruca@gmail.com.

Por outra banda, pregámoslles aos locais que queiran colaborar tamén nesta nova edición de Reciclaxe que se poñan en contacto connosco, preferentemente por teléfono.
Perdoade as molestias que poidamos causar, pero pensade que isto facémolo só coa intención de mellorar e que Reciclaxe 2011 sexa o mellor dos que levamos feitos ata o de agora. Grazas!!

Reciclaxe 2011. Comezamos!

2011-07-14T10:00:00.001+02:00

Amigos, a organización de Reciclaxe xa se puxo en marcha para ofrecervos un novo Reciclaxe 2011 nos bares e nas rúas de Churruca. Aínda é moi cedo para saber con cantos locais e con cantos postos imos contar... O que xa podemos adiantar é que, coma sempre, será o primeiro sábado de setembro (día 3) e que, se queredes participar, xa podedes apuntarvos desde hoxe mesmo no seguinte enderezo: reciclaxe.churruca@gmail.com.
Moito ollo porque o enderezo electrónico deste ano é diferente ao das pasadas edicións, e non atenderemos a ningunha petición que chegue aos anteriores.

Xa sabes, se queres montar un posto, pinchar ou expoñer a túa obra, envíanos un mail cun pequeno texto e algunha fotografía a Reciclaxe 2011 e contestarémosche en canto poidamos. O número de postos é limitado e por estricta orde de admisión, o que quere dicir que, canto antes vos apuntedes, máis posibilidades teredes de participar no Reciclaxe 2011. E seguide atentos ao blog e á nosa páxina do facebook para estar informados de todo.
Agora si, comezamos!!!

Mil grazas!

2010-09-06T10:00:00.011+02:00

Desde a organización de Reciclaxe 2010 queremos dar as grazas de corazón a toda a xente dos postos, aos artistas que expuxeron a súa obra, aos dj's que pincharon estupendamente e a todos os que, dalgún xeito ou outro, formastes parte desta edición.
Grazas tamén aos 12 locais que se prestaron este ano para ser ocupados por unha chea de roupa, aneis, diademas, broches, lámpadas, mobles, bolsos, discos, cómics, televisores... porque si, este ano tivemos de todo. Grazas a El Monstruo de un Solo Ojo, El Gato Negro, Boom Boom Room, Le Suite, Golem, Lolita, Cantina Candela, O Batallón, Bauhaus, Vademecwm, La Casa de Arriba e La Fiesta de los Maniquíes.
E por suposto, moitísimas grazas tamén a toda esa xente que non deixou de visitarnos ao longo de todo o día e que nos animan a seguir con este proxecto do que, cada vez, estamos máis orgullosos.

Desde aquí, queremos pedirvos que nos fagades chegar as vosas suxestións, queixas ou o que queirades comentarnos, ben facendo un comentario nesta entrada, ben escribíndonos a reciclaxe@yahoo.es, coa fin de mellorar en vindeiras edicións, porque... repetiremos o ano que vén, non?

E por favor, se tedes fotos pedímosvos que as subades ás vosas páxinas de facebook e que nos etiquetedes como Reciclaxe Churruca. Co voso permiso, empregarémolas para promoción.

Grazas de novo e de hoxe nun ano!!

Hoxe, en Churruca, Reciclaxe 2010

2010-09-04T08:00:00.004+02:00

Vide todos!!

Todo listo para o Reciclaxe 2010

2010-09-03T09:00:00.001+02:00

Mañá sábado 4 de setembro celebraremos en Churruca o Reciclaxe 2010. Este é o cartel que David Sierra fixo para nós:

O mapa dos locais que colaboran:

A nota de prensa:

E éste é o programa completo das actividades que imos desenvolver ao longo da xornada:

Podedes ver e descargar todo facendo click sobre as imaxes. Pedímosvos que lle deades a maior difusión posible. Grazas!!
Vémonos mañá en Churruca!!

Reciclaxe 2010. Programación

2010-09-02T20:00:00.012+02:00

Custounos, pero por fin temos o programa completo do que será o sábado o Reciclaxe 2010: exposicións, obradoiro de reciclaxe para nenos e nenas, dj's, sesión vermú, festas pola noite e unha chea de sorpresas que só poderás saber se te achegas por alí ao longo da xornada.

Podedes descargar o programa facendo click sobre a imaxe.
Eu de vós non perdería nada!!

Reciclaxe 2010. Nota de prensa

2010-09-02T19:00:00.003+02:00

Aínda que penso que xa fixemos unha boa promoción a través dos medios e das redes sociais, déixovos a nota de prensa por se hai algún despistado.

(Click sobre a imaxe para ampliar e descargar.)

Reciclaxe 2010 no programa El plató de TeleVigo

2010-09-02T16:00:00.004+02:00

Onte, un dos nosos organizadores achegouse a TeleVigo para falar de Reciclaxe 2010 no programa El Plató, presentado e dirixido por Raquel Galavís.

Reciclaxe 2010 no programa "El Plató" de Televigo from Chechu on Vimeo.

Mil grazas a Raquel, a todo o seu equipo, e a Chechu por gravalo.

Festa Reciclaxe-Galego Lab na Casa de Arriba

2010-09-02T09:00:00.001+02:00

Baixo o título Pinchadas de música, pero da boa, Reciclaxe 2010 e Galego Lab invítanvos a unha festa que terá lugar na Casa de Arriba a partir das 0:00 horas, ao remate da feira.
Promete ser unha festa moi especial porque, entre outras cousas, a pinchada será maioritariamente de música en galego.
Se queda alguén que pensa que nos somos capaces, que veña comprobalo.

Podedes ler toda a info premendo nesta ligazón.

Pola súa banda, o Club Vademecwm tamén despide este Reciclaxe 2010 con outra festa, esta vez a partir das 2:00 h. da madrugada, a cargo dos Ningunos Dj's.
Vémonos por alí!!

Exposicións Reciclaxe 2010

2010-09-01T20:00:00.004+02:00

Este ano son tres os locais que acollerán as exposicións do Reciclaxe 2010:
Le Suite, no que, ademais de admirar a obra de Alba Pardo, Marta Álvarez, Nuria Figueiredo, Sara Goberna, Betty Blue e Ana Müller, artistas como Antía Sánchez estarán pintando en directo;
La Fiesta de los Maniquíes, onde exporán as súas fotografías Alicia Carrera e Noemí Díaz Patiño, e
Ruralita (anexo Vademecwm), no que os membros da Asociación Amalgama - Centro de Gravedad Permanente montarán o campamento base cun montón de material da súa creación.

Tamén poderedes admirar os orixinais que serviron para facer toda a cartelería e a imaxe deste Reciclaxe 2010, obra de David Sierra, así como as videoproxeccións das gravacións en directo que farán os nosos amigos do Grupo Hedonista.

As fotos son das exposicións de o ano pasado no Rura e da videoproxección de Juanma Lodo.

Esta noite, Reciclaxe 2010 en TeleVigo

2010-09-01T09:00:00.011+02:00

Este é o plano do barrio de Churruca onde podedes localizar todos os locais que participan este ano no Reciclaxe 2010: El Monstruo de un Solo Ojo, El Gato Negro, Boom Boom Room, Le Suite, Golem, Lolita, Cantina Candela, O Batallón, Bauhaus, Vademecwm, La Casa de Arriba e La Fiesta de los Maniquíes.

(Click sobre a imaxe para ampliala.)

Estará pegado na porta de cada un dos locais para que fagades o voso propio percorrido, así que non tedes perda!

E esta noite, a partir das 11:00 h., Reciclaxe 2010 en TeleVigo.

Bolsas Reciclaxe

2010-08-31T21:00:00.000+02:00

Este ano podes levar as compras que fagas no Reciclaxe 2010 nestas bonitas shopping bags deseñadas polo noso amigo David Sierra coa nosa mascota Sabarís e, de paso, colaborar coa organización para poder repetir feira o ano que vén.
Poderás atopalas en varios postos distribuídos por todos os locais.

Aviso importante para todos os participantes

2010-08-30T14:27:00.010+02:00

Xa enviamos os mails de confirmación de posto. Se alguén non o recibiu e aínda non sabe en que local lle toca, por favor, que se poña en contacto con nós o antes posible.
Tamén están distribuídos os locais e os horarios das sesións dos dj's.
En 5 días vémonos no Reciclaxe!!

Trae os máis pequenos ao Obradoiro de Reciclaxe

2010-08-29T22:00:00.000+02:00

Dentro do Ruralita, a sala anexa ao Club Vademecwm, e de 12:00 a 14:00 h., terá lugar un Obradoiro de Reciclaxe para os máis pequenos no que, a partir de materiais de refugallo, ensinarémoslles a facer xoguetes, disfraces e unha morea de cousas coas que, de seguro, han gozar mentres os pais visitan os locais onde se desenvolve Reciclaxe 2010.

Para isto precisamos toda a axuda posible: a todos os que teñades pensado achegarvos ao Reciclaxe pola mañá, e, sobre todo, aos que vaiades traer nenos e nenas ao obradoiro, pedímosvos que traiades todos eses elementos que, normalmente, tirades ao lixo, pero que ese día nos poden servir para vestir os nosos nenos e nenas de príncipes e princesas, de monstruosos polbos, ou facer xoguetes divertidísimos que logo poderán levar á casa: os cartóns do papel hixiénico e de cociña, as caixas dos cereais e das galletas, botellas de auga, latas de refrescos, envases de plástico, caixas de ovos, bolsas e todo o que pensedes que pode valer.
Contamos con vós!

Reciclaxe 2010 na DOT

2010-08-27T17:00:00.002+02:00

Este mes, a DOT dedícanos unha páxina.

Grazas, mozos!!

Queres pinchar no Reciclaxe 2010?

2010-08-26T17:00:00.000+02:00

Se queres pinchar no Reciclaxe 2010 aínda estás a tempo de apuntarte. Non importa que non sexas un dj profesional, esta pode ser a túa plataforma para darte a coñecer.
O vindeiro domingo 29 pecharemos o prazo de inscrición dos dj's que desexen colaborar con nós nesta edición de Reciclaxe. Este ano, debido ao gran número de locais cos que contamos, necesitamos moitos dj's, cantos máis mellor. Por iso, se xa es un dj coñecido na cidade ou fóra, ou mesmo se queres lucirte no teu debut e que te coñezan nos locais vigueses, envíanos un correo electrónico a reciclaxe@yahoo.es e enviarémosche toda a información.

Anticipámosvos que as sesións serán de dúas horas, que podedes facer doblete (ou mesmo "triplete") e que o horario das pinchadas será durante toda a xornada, é dicir, de 11:00 a 23:00 h. O estilo, por suposto, poñédelo vós, pero sempre respectando a filosofía da feira e tendo en conta que se trata dunha sesión "de día" e que o volume ten que permitir que a xente se relacione e fale.
Moitas grazas e animádevos!

Ampliamos o número de locais. Cartel definitivo

2010-08-25T22:00:00.004+02:00

Debido á gran demanda de xente que se apuntou este ano, ampliamos o número de locais para a celebración de Reciclaxe 2010. Os definitivos son: El Monstruo de un Solo Ojo, El Gato Negro, Boom Boom Room, Le Suite, Gólem, Lolita, Cantina Candela, La Fiesta de los Maniquíes, O Batallón, Bauhaus, Club Vademecwm e La Casa de Arriba, todos no barrio de Churruca.

O cartel definitivo (obra de David Sierra) podedes descargalo en alta resolución premendo aquí. Pregámosvos que lle deades a máxima difusión posible imprimíndoo e pegándoo onde vos pareza, subíndoo ao voso blog, facebook, etc. Grazas de antemán!
Se todo vai ben, esta fin de semana xa poderedes ver os carteis pegados nos locais e noutros puntos estratéxicos da cidade.

Confirmación de postos

2010-08-25T17:00:00.003+02:00

Aviso importante para todos aqueles que solicitastes posto dentro do prazo sinalado e a organización non vos confirmou asistencia na pasada reunión, por mail ou por teléfono: debedes poñervos en contacto con nós antes do venres 27 a través de reciclaxe@yahoo.es ou a vosa preinscrición quedará anulada. A estas alturas, xa temos case todos os bares e postos pechados, así que é importante que confirmedes canto antes. Non admitiremos a ninguén que avise pasado o venres pola noite.
Aos confirmados, a partir do luns enviarémosvos un correo electrónico avisándovos de onde vos toca e cunha nova redacción das normas de participación.

Estamos facendo un gran esforzo para contentarvos a todos e que Reciclaxe 2010 saia o mellor posible. Moitas grazas pola vosa comprensión e... xa queda menos!!

Festa Presentación Reciclaxe 2010. Grazas!!

2010-08-24T18:00:00.013+02:00

Moitísimas grazas a todos e a todas pola boa acollida que tivo a Festa Presentación Reciclaxe 2010 do pasado venres, en especial a Emilio José pola súa colaboración desinteresada.
Grazas tamén aos que cantastes no concerto, aos que bailastes cos Zarpa e, en definitiva, aos que nos acompañastes ao longo de toda esta noite tan divertida.
E grazas moi especiais a Bea por facer de porteira. Nunca se sabe o que che pode deparar o futuro...

Podedes ver o resto das fotos aquí.

A seguinte, o día 4!!

Esta noite, Festa Presentación Reciclaxe 2010

2010-08-20T00:00:00.001+02:00

Esta noite esperamos vervos a todos na Festa Presentación Reciclaxe 2010. Ás 23:00 h., no Club Vademecwm (Iglesias Esponda, 30), poderemos gozar dun concertazo de Emilio José e, logo, ao remate deste, a festa continuará na Casa de Arriba (Martín Códax, 23) cunha pinchada dos Zarpaelamor dilleis.

Podedes apuntarvos ao evento do facebook facendo click aquí.

A todos os participantes no vindeiro Reciclaxe 2010 lembrámosvos que, a iso das 19:00 h., temos reunión na Casa de Arriba.

Reunión + festa presentación

2010-08-18T16:00:00.000+02:00

Xa enviamos vía mail as normas de participación a todos os que vos apuntastes ao Reciclaxe dentro do prazo marcado. Se por calquera motivo alguén non as recibiu, por favor, facédenolo saber para volvérvolas enviar.
Tamén está fixada a data para a primeira reunión, que será o venres 20 a partir das 19:00 horas na Casa de Arriba (Martín Códax, 23, Vigo). Alí estaremos os membros da organización para informarvos de calquera dúbida que poidades ter. Se non podedes vir á reunión, pregámosvos confirmedes por teléfono a vosa participación (os nosos teléfonos figuran no pdf das normas). Todos aqueles que o luns 23 non confirmásedes a vosa asistencia, ben na reunión, ben por teléfono, seredes automaticamente excluídos desta edición de Reciclaxe.

Despois da reunión terá lugar a Festa Presentación Reciclaxe 2010 cun concerto de Emilio José no Club Vademecwm (Iglesias Esponda, 30) e unha posterior pinchada dos Zarpaelamor dilleis na Casa de Arriba. Nesta ligazón tedes o evento do facebook.
Esperámosvos a todos!

Reciclaxe 2010. Festa presentación

2010-08-16T15:00:00.002+02:00

O vindeiro venres 20 terá lugar a festa presentación de Reciclaxe 2010 cun concerto de Emilio José no Club Vademecwm (Iglesias Esponda, 30). Logo, a festa continúa na Casa de Arriba (Martín Códax, 23) bailando ao ritmo dos Zarpaelamor dilleis.

Podes apuntarte ao evento do facebook facendo click aquí.
Unha vez máis, a marabilla de cartel é obra de David Sierra. Coma no caso do oficial, tamén poderedes ver o cartel orixinal como parte das exposicións de Reciclaxe 2010.
Pedímosvos novamente que o descarguedes en alta resolución premendo aquí e lle deades a máxima difusión posible, imprimíndoo e pegándoo onde vos pareza, subíndoo ao voso blog, facebook, etc.
Mil grazas!!

Últimos días para apuntarse

2010-08-09T12:00:00.000+02:00

O vindeiro día 15 pecharemos o prazo de solicitude de posto para o Reciclaxe 2010. Se aínda non te apuntaches, podes facelo no seguinte enderezo electrónico: reciclaxe@yahoo.es.
Non aceptaremos ningunha solicitude fóra de prazo.
Aínda estades a tempo!

Reciclaxe 2010. Cartel

2010-08-03T19:00:00.006+02:00

Xa temos listo o cartel desta nova edición de Reciclaxe, unha marabillosa obra de arte feita por David Sierra e fotografada por Xabilín.
Mil grazas, amigos!!!

O cartel orixinal poderedes velo como parte das exposicións de Reciclaxe 2010.
Tamén podedes descargalo en alta resolución premendo aquí. Pregámosvos que lle deades a máxima difusión posible imprimíndoo e pegándoo onde vos pareza, subíndoo ao voso blog, facebook, etc. Grazas de antemán!

Pide xa o teu posto para o Reciclaxe 2010

2010-07-25T17:00:00.002+02:00

Reciclaxe dáche a oportunidade de montar o teu propio posto de venda nesta terceira edición que se celebrará o vindeiro sábado 4 de setembro nalgúns locais (aínda por confirmar) do barrio vigués de Churruca. Se queres vender a roupa que xa non che cabe no armario, os broches ou as camisetas que fas ti mesm@ de xeito artesanal, os mobles que xa non queiras, cómics, vinilos, cd's... ou mesmo se tes unha tenda e queres desfacerte de pezas de coleccións pasadas, Reciclaxe 2010 é o espazo ideal para montar o teu outlet. Tendas como West Peak, La Churrería, Banda Deseñada ou xente como SinSal xa colaboraron connosco nas dúas pasadas edicións e, esperamos, repitan nesta.
Montar un posto no Reciclaxe 2010 é totalmente de balde; só tes que solicitalo enviándonos un mail ao enderezo electrónico reciclaxe@yahoo.es, indicando o teu nome, o que queres vender, algunha fotografía do material (só no caso de que sexa feito por vós) e un teléfono de contacto. A organización de Reciclaxe 2010 poñerase en contacto convosco en canto poida.
A día de hoxe xa temos unha morea de solicitudes novas, o que quere dicir que, en breve, pecharemos o prazo.
E se xa participaches nas edicións pasadas de Reciclaxe, lembra que debes escribirnos igual para avisarnos de que queres repetir.
Moitas grazas e animádevos!! Este ano, Reciclaxe 2010 máis grande e mellor.

Queres participar no Reciclaxe 2010?

2010-07-19T08:00:00.000+02:00

Xa está aberto o prazo de solicitude para participar no Reciclaxe 2010, que terá lugar no barrio vigués de Churruca o vindeiro sábado 4 de setembro. Xa sabedes que, se queredes montar un posto para vender as vosas cousas, tedes que solicitalo canto antes enviándonos un mail ao enderezo electrónico reciclaxe@yahoo.es, indicando o voso nome, un teléfono de contacto e adxuntando algunha fotografía do material que ides levar, no caso de que sexa da vosa creación (se é roupa ou artigos de segunda man non é necesario que enviedes foto).
Lembrade que non importa se xa participastes ou non noutras edicións de Reciclaxe; é importante que nos escribades de novo.
Por outra banda, se queredes pinchar durante a xornada nalgún dos locais ou expoñer as vosas obras no espazo habilitado para tal fin, por favor, escribídenos ao mesmo enderezo. Estaremos encantados de contar convosco!

Benvid@s a Reciclaxe 2010.

Queredes Reciclaxe 2010?

2010-05-25T11:00:00.001+02:00

Ola de novo! Onte, os membros da organización de Reciclaxe tivemos unha primeira reunión para falar dun posible Reciclaxe 2010. Falamos de cambios, sorpresas, novidades... pero, antes de nada, queremos saber se tanto os que participastes nas anteriores edicións queredes repetir, como se a xente nova quere apuntarse ao carro.
Podedes deixarnos as vosas suxestións aquí ou no perfil de Facebook.
Queredes Reciclaxe 2010??

Moitísimas grazas a todos!

2009-09-07T10:00:00.001+02:00

Unha vez máis, Reciclaxe foi un éxito. A organización de Reciclaxe 2009 estamos encantados e esperamos que vós, tanto os que participastes, como os que nos visitastes, como os locais onde se realizou, tamén o esteades.
Hai cen mil anécdotas que contar, pero hoxe aínda estamos coa resaca e non saberíamos por onde empezar. Acabamos de subir algunha foto aquí pero, por favor, se tedes máis, enviádenolas a reciclaxe@yahoo.es ou a prensa.reciclaxe@gmail.com, e irémolas subindo á nosa conta de flickr.
Tamén nos gustaría que nos enviásedes ideas ou suxestións para próximas edicións de Reciclaxe. Que se podería mellorar? Onde debería ser? Que máis cousas se poderían facer? Todas, tanto os parabéns como as críticas, serán ben recibidas.
Moitas grazas, de verdade!
Repetimos?

Ven a Reciclaxe 2009

2009-09-05T00:00:00.000+02:00

Reciclaxe 2009. Programación

2009-09-04T07:00:00.001+02:00

Programación RURALITA:
A partir das 12:00 h., Obradoiro de reciclaxe para nenos

Programación El Monstruo de un Solo Ojo
11:00 - 13:00 h. Fran Fatal Dj
13:00 - 15:00 h. Galis 115
19:00 - 21:00 h. Tu Mini Dj’s
21:00 - 23:00 h. Flor Non Blondes
A partir das 0:00 h., festa Reciclaxe con Linamorganfreeman Dj’s

Programación SOHO:
11:00 - 12:45 h. Toto
12:45 - 14:45 h. R Confusion & Pablo López
14:45 - 15:00 h. Vídeo (proxección do colectivo Pixel in fact)
15:00 - 16:30 h. Samu
16:30 - 17:45 h. Dawboy (live!)
17:45 - 18:00 h. Vídeo (proxección do colectivo Pixel in fact)
18:00 - 19:45 h. Fran Rodríguez
19:45 - 21:15 h. Víctor Álvarez
21:15 - 21:30 h. Vídeo (proxección do colectivo Pixel in fact)
21:30 - 23:00 h. Álex
A partir das 0:00 h., festa Reciclaxe con Onurb Zaq

Programación LOLITA
17:00 - 19:00 h. Indiebear & Dolce
19:00 - 21:00 h. Galis 115
21:00 - 23:00 h. Lagartija & DPorto aka Dogpunk
A partir das 0:00 h., festa Reciclaxe con Dj’s residentes

Programación LA CASA DE ARRIBA
13:00 - 17:00 h. Cóctel / Sesión Vermú
17:00 - 19:00 h. Donbel
19:00 - 21:00 h. Almagato
21:00 - 23:00 h. Deivi
A partir das 0:00 h., festa Reciclaxe con Zarpaelamor Dilleis

Programación VADEMECUM
11:00 - 13:00 h. Meteoro
13:00 - 15:00 h. Rober (Le Suite)
15:00 - 17:00 h. Alberto (Ningunos)
17:00 - 19:00 h. Fernando (Ningunos)
19:00 - 21:00 h. Simon Dolce
21:00 - 23:00 h. Fran & Anxo (live!)
A partir das 0:00 h., festa Reciclaxe con Dj’s residentes

(Os horarios dos dj’s están suxeitos a posibles cambios de última hora.)

Obradoiro de Reciclaxe para nenos

2009-09-03T17:00:00.000+02:00

Reciclaxe 2009 está preparando un Obradoiro de Reciclaxe para os máis pequenos que terá lugar no Ruralita a partir das 12:00 h. e, para levalo a cabo, precisamos toda axuda posible: a todos os que teñades pensado achegarvos ao Reciclaxe pola mañá, e, sobre todo, aos que vaiades traer nenos e nenas ao obradoiro, pedímosvos que traiades todas esas cousas que, normalmente se tiran ao lixo, pero que ese día nos poden servir para facer xoguetes e disfraces: os cartóns do papel hixiénico e de cociña, as caixas dos cereais e das galletas, botellas de auga, latas de refrescos, envases de plástico, caixas de ovos, bolsas e todo o que se vos ocorra que pode valer.
Contamos con vós!

Entrevista en TeleVigo

2009-09-03T00:00:00.024+02:00

Bravo, Andrea!
(E grazas, Iván.)

E o sábado, ás 10:45, no último Extrarradio, o mellor programa da Radio Galega. Que vai ser de nós sen el?

Reciclaxe 2009, esta noite en TeleVigo

2009-09-02T08:00:00.000+02:00

Esta noite, parte da organización de Reciclaxe estará en directo a partir das 10 da noite no magazine El Plató de TeleVigo, presentado e dirixido por Raquel Galavís. Desexádenos sorte!

Xa non queda nada!

2009-09-01T19:00:00.006+02:00

Agora si podemos dicir que xa está todo preparado para o sábado. Tivemos algún problema co enderezo electrónico, pero penso que xa está solucionado. De todos os xeitos, pregámosvos que, a partir de ahora, utilicedes o enderezo de yahoo: reciclaxe@yahoo.es.
Só faltan por confirmar algúns postos, así que, se esquecimos mandar algún mail, por favor, facédenolo saber.
Tamén quedan horas libres para pinchar; se alguén quere apuntarse, que nos escriba canto antes.
Moitas grazas!

Reciclaxe 2009. Mapa dos locais

2009-08-31T16:00:00.006+02:00

Aquí podes descargar o mapa co percorrido do Reciclaxe 2009. Todos os locais están no barrio de Churruca e son os seguintes:
El Monstruo de un solo ojo: Cervantes 18
Soho: Churruca 13
Lolita: Irmandiños 3
La Casa de Arriba: Martín Códax 23
Club Vademecum: Iglesias Esponda 30

Reciclaxe 2009. Nota de prensa

2009-08-30T14:00:00.000+02:00

Pregamos deades a máxima difusión posible á nota de prensa do Reciclaxe 2009. Premendo sobre ela ou aquí podedes descargala en alta calidade para imprimila ou distribuíla. Nesta outra ligazón podedes descargar tamén o cartel para subir ao voso blog, facebook ou, aínda mellor, imprimir e pegar onde mellor vos pareza. Grazas a todos pola vosa colaboración.

Falta unha semana

2009-08-29T00:00:00.003+02:00

A falta dalgún pequeno detalle, xa está todo máis ou menos preparado para o evento máis importante do ano en Churruca. Os postos están cubertos, a comida encargada, as expos organizadas, os carteis impresos, as notas de prensa enviadas, a xente con moitas ganas... O único que nos faltan, debido ao gran número de horas e de locais a cubrir, son dj's; así que, se a alguén lle apetece pinchar un par de horiñas nalgún dos locais que quedan por encher, que nolo faga saber escribindo a prensa.reciclaxe@gmail.com.
Vemonos nunha semaniña no Reciclaxe 2009.

Xogar a reciclar e xogar e reciclar

2009-08-28T07:00:00.000+02:00

Unha das novidades máis interesantes coas que conta Reciclaxe 2009 é que, a partir das 12 da mañá, terá lugar no Ruralita un Obradoiro de Reciclaxe para nenos e nenas ao que podedes traer aos máis pequenos da casa e no que aprenderán, a modo de xogo, a facer cousas con materiais reciclados. Seguro que lles gusta!

Reciclaxe na Dot

2009-08-26T08:00:00.004+02:00

Os rapaces da Dot sacaron unha reportaxe do Reciclaxe no número deste mes e nós estámoslles agradecidísimos. Se queredes velo, á parte de facer click aquí ou sobre a imaxe para ampliar, só tedes que buscar a revista nun dos preto de 1000 puntos de distribución que hai en toda Galicia.
Moitisimas grazas!

E agora, o vídeo

2009-08-25T00:00:00.005+02:00

Grazas, Vaneda!

Moitas grazas por unha festa tan estupenda

2009-08-23T14:30:00.001+02:00

A organización de Reciclaxe 2009 quere dar as grazas a todos os asistentes á festa presentación do pasado venres, ao Vademecum e a La Casa de Arriba por deixarnos os seus estupendos locais e, moi especialmente, aos músicos que nos regalaron esas versionazas, eses bailes e esas risas: Alejandro, Deivi, Edu, Estefa, Héctor, Melo, Quique, Rafa, Sara e demais espontáneos: sodes os mellores!

Esta noite, ás 23:30 h...

2009-08-21T00:00:00.005+02:00

Deseño: David Sierra

Axúdanos a promover Reciclaxe 2009

2009-08-19T17:00:00.006+02:00

Se queres axudarnos a difundir e promover tanto o Reciclaxe 2009 como a Festa de presentación, nas seguintes ligazóns podes descargar os carteis en alta calidade para subir á túa web ou para imprimir e pegar onde queiras.
Cartel Reciclaxe
Cartel Festa
Por outra banda, lembrade que este venres 21, ás 20:00 horas, (xusto antes da festa) faremos unha reunión con todos os participantes na Casa de Arriba (Martín Códax, 23 - Vigo). Pregamos asistencia.
Grazas polo voso interese e pola axuda!

Festa presentación Reciclaxe 2009

2009-08-18T20:00:00.011+02:00

Reciclaxe 2009 convídavos a todos á festa presentación que terá lugar o vindeiro venres 21 ás 23:00 horas no Club Vademecum e na que algúns dos mellores músicos do panorama galego actual tocarán versións de cancións coñecidas por todos.
Logo, a festa continuará na Casa de Arriba cunha pinchada a cargo dos Zarpaelamor dilleis.
Debido ao pouco tempo que temos para promocionar a festa, pregamos lle deades a máxima difusión.
Se o desexades, aquí podedes apuntarvos tamén ao evento do facebook.
Vémonos o venres!

Pechado o prazo de solicitude de postos para o Reciclaxe 2009

2009-08-16T17:30:00.002+02:00

Pechamos os micros, que dirían por aí, e comunicámosvos que todos os que solicitastes posto ata a data de hoxe para o Reciclaxe 2009 estades aceptados. Penso que xa vos contestamos por mail pero, se alguén se nos escapou, por favor, que nolo faga saber.
Por outra banda, o venres 21 ás 20:00 horas faremos unha reunión en La Casa de Arriba (Martín Códax, 23 - Vigo) e pregamos a vosa asistencia (os que non poidan vir que nolo fagan saber tamén). Alí falaremos da ubicación que lle corresponde a cada un, do que podedes e debedes traer, das normas a cumprir e de todo o que vaia xurdindo no momento.
Ese mesmo venres, ás 23:00 horas, terá lugar no Vademecum (Iglesias Esponda, 30 - Vigo) unha festa presentación do Reciclaxe 2009 da que xa iremos dando novas ao longo desta semana; adiantamos que tocarán en directo membros dalgunhas das principais bandas galegas e que, logo, ao redor da 1 da mañá, a festa continuará en La Casa de Arriba cunha pinchada a cargo dos Zarpaelamor dilleis. Estades todos convidados!

Queres pinchar no Reciclaxe 2009?

2009-08-14T03:00:00.000+02:00

Se queres ser un dos dj's do Reciclaxe 2009, só tes que enviarnos un mail a prensa.reciclaxe@gmail.com coa túa solicitude, indicando o estilo de música que vas pinchar para propoñerche o horario e ubicarte nun dos locais.
Grazas de antemán!

Últimos días para pedir un posto

2009-08-11T19:00:00.008+02:00

Este domingo 16 remata o prazo de presentación de solicitudes de posto para o Reciclaxe 2009. Como xa comentamos onte, estamos intentando pillar un par de locais máis por Churruca para acoller a todos os que nolo pedistes, pero nalgún momento temos que parar. Así que xa o sabedes, enviádenos un correo electrónico a prensa.reciclaxe@gmail.com e contestarémosvos coas condicións. Lembrámosvos que é totalmente de balde.

Reciclaxe queda pequeno

2009-08-10T22:00:00.002+02:00

Debido á grande demanda de postos para o Reciclaxe 2009, estamos pensando en ampliar o número de locais. Aínda non temos nada confirmado, pero o máis seguro é que este ano Reciclaxe 2009 se celebre nalgún local máis de Churruca, á parte dos xa confirmados La Casa de Arriba e o Club Vademecum. Aos que nos enviastes mail coa vosa solicutude, moitas grazas e que saibades que estamos facendo o posible por acollervos a todos. Por favor, permanecede atentos ao blog para estar informados.

Cartel Reciclaxe 2009

2009-08-05T18:30:00.008+02:00

Este ano encargámoslle o deseño do cartel do Reciclaxe 2009 ao deseñador de Sabarís David Sierra, e este que vedes arriba foi o resultado. Nós estamos encantados! E a vós, gústavos?
Moitas grazas, Deivi!
(Podedes facer click sobre a imaxe para velo máis grande.)

Comer no Reciclaxe

2009-08-04T18:00:00.000+02:00

Un dos principais atractivos do Reciclaxe é o seu posto de comida, sobre todo á hora do vermú e do xantar, onde podedes pedirvos uns pinchos de tortilla ou empanada e acompañalos por unha cervexa por moi poucos cartos. Este posto permanece aberto durante todo o día e, pola tarde, convértese no mellor sitio para merendar uns exquisitos bocatas ou unhas rebandas de pan con Nutella. Porque todo o mundo sabe que ir de compras levanta o apetito...

Reciclaxe 2008 na Revista Retal

2009-07-24T21:00:00.001+02:00

Para os que non viñestes o ano pasado ao Reciclaxe e queirades saber un pouco mellor como foi, hoxe reproducimos o texto do artigo publicado na Revista Retal en outubro de 2008:

Reciclaxe 2008
por Ramón Domínguez
Sábado 6 de setembro
La Casa de Arriba / Club Vademecwm
(Zona Churruca, Vigo)

Reciclaxe xorde como idea hai dous anos en Tui da man de Andrea G. e un grupo de amigos que se xuntaron na sala Partycular para vender “a roupa que xa nos lles cabía nos armarios”. Logo do éxito acadado, decidimos trasladarnos este ano a Vigo para facer o mesmo en dous dos locais máis emblemáticos da noite viguesa: La Casa de Arriba (Martín Códax, 23) e o club Vademecwm (Iglesias Esponda, 30). Tras varias reunións, chamadas telefónicas e abusando un chisco de todos os contactos posibles, fixemos que a parte máis alta do barrio vigués de Churruca se convertese por un día (sábado 6 de setembro) nun mercadiño que demos en chamar Reciclaxe 2008.
Tomando como lema algo así como “o que non me serve a min pode servirlle a outros”, a idea de “reciclar” estivo sempre moi presente durante toda a xornada: desde o concepto mesmo de vender a roupa ou os obxectos que xa non nos valen en vez de deixalos ocupando caixóns ou tiralos ao lixo, ata a iniciativa por parte dos vendedores de utilizar bolsas usadas para envolver os artigos vendidos. Mesmo o xeito de publicitar Reciclaxe 2008 foi bastante ecolóxico xa que, ao non dispoñer de ningún tipo de presuposto para imprimir carteis (imprimíronse uns poucos para os locais e algún lugar puntual da cidade), a promoción fíxose a través do boca a boca e das redes sociais que ofrece de balde internet: fotolog (http://www.fotolog.com/reciclaxe08), myspace (http://www.myspace.com/reciclaxe) ou facebook. Porén, o que nun principio estaba pensado como un modesto mercadiño de roupa de segunda man, acabou convertido en todo un escaparate de camisetas, zapatos, bolsos e vestidos vintage no que, ademais, contamos coas creacións de novos deseñadores (entre outros, Les Cocons, Saladitas, Can Can Corbatas ou Alberto Neves, que trouxo as súas coleccións da tenda LolaB), roupa de tendas alternativas da cidade (como Weast Peak ou La Churrería), complementos, fanzines, discos e mesmo lámpadas e obxectos para o fogar. Todo amenizado pola música de varios dj’s (entre eles, Deivi, Moderna de mierda, Donbel ou os membros do colectivo vigués A lo hecho techo) que se ofreceron a poñer a banda sonora do que foi, en definitiva, unha festa que durou case todo o día. Como nota cultural, Reciclaxe 2008 tamén serviu de galería de arte onde se podían admirar (e tamén mercar) obras de artistas emerxentes como Tamara de la Fuente, Andrea G. e Noemí Díaz (fotografía) ou Iván R. e María Longa (ilustración), que decoraban unha boa parte das paredes dos locais. Ademais, os que se achegaron a Reciclaxe 2008, puideron gozar desde o mediodía de pinchos e tapas a prezos populares nun posto situado no espazo ao aire libre que hai entre os dous locais: tortilla de patacas, empanadas, ensaladas e mesmo bocatas de Nutella formaron o menú do Reciclaxe 2008 para todos aqueles que quixeron probalo. Como nota de cor, dende as 2 ata as 4 da tarde tivo lugar unha sesión vermú na que, ademais dos martinis, as cañas e os pinchos, a xente puido pasar unhas horas ben agradables bailando a ritmo de guateque e mesmo cantando nunha improvisada sesión de karaoke. O feito de escoller La Casa de Arriba e o Vademecwm para o Reciclaxe 2008 non foi aleatorio; buscabamos un sitio onde nos sentísemos cómodos (somos clientes de ambos) e onde nos deixasen facer o que queríamos sen necesidade de pedir permisos ao Concello ou ás autoridades pertinenentes. Nalgún momento se nos pasou pola cabeza “institucionalizar” o asunto para poder facelo nun local máis grande e mellor acondicionado, ou mesmo na rúa, pero enseguida a desbotamos porque cremos que facer Reciclaxe deste xeito perdería todo o que ten de encantador e de alternativo. Ademais, tratábase tamén de facerlle ver á xente que o día tamén pode ser divertido, convertindo unha das zonas de marcha nocturna da cidade nun centro que visitar entre as 12 da mañá e as 10 da noite, onde tamén se pode tomar algo, comer e mesmo bailar, ademais de mercar ou, simplemente, ver o que hai. A intención última non era só gañar cartos vendendo, senón tamén reunirse, pasalo ben e, sobre todo, ofrecer unha experiencia nova e, polo que se viu, moi positiva, dado o número de asistentes que pasaron durante todo o día por Reciclaxe 2008 e as boas críticas que recibimos. Se pensamos repetir? Seguro que si. Como dixo alguén ao saír: “para cando outro pequeno Candem Town no máis alto de Churruca?”. Pronto, moi pronto.

Ramón Domínguez é co-organizador, xunto con Andrea González, do Reciclaxe 2008
Fotografías de Tamara de la Fuente

Expón no Reciclaxe 2009

2009-07-23T09:00:00.001+02:00

Reciclaxe 2009 convoca a todos os artistas que queiran expoñer (con ou sen opción de venda) a súa obra durante o día da feira a que se poñan en contacto con nós a través do blog ou do noso enderezo electrónico prensa.reciclaxe@gmail.com. O tema poñémolo nós: a reciclaxe; a visión que fagades dela é totalmente persoal.
As fotos que subimos hoxe formaron parte de dúas das exposicións que tivemos no Reciclaxe 2008: a de Tamara de la Fuente e a de Andrea G.
Animádevos a participar!

Monta o teu propio posto no Reciclaxe 2009

2009-07-22T18:00:00.002+02:00

Se queres ter o teu propio posto de roupa, discos, cómics ou o que ti queiras no Reciclaxe 2009, non dubides en poñerte en contacto con nós a través do enderezo electrónico prensa.reciclaxe@gmail.com. É totalmente de balde, así que escríbenos e comentarémosche as condicións. Date présa se non queres quedar fóra.

Comezamos

2009-07-21T21:00:00.018+02:00

Xa estamos empezando a organizar o Reciclaxe 2009 e, con tal motivo, inauguramos este blog onde poderedes estar ao tanto de todo o que vaiamos preparando. Porque este ano, Reciclaxe 2009 vén cargado de novidades e sorpresas. Ata o de agora só podemos adiantarvos que será o día 5 de setembro nos mesmos locais que o ano pasado: La Casa de Arriba (Martín Códax, 23) e o Club Vademecum (Iglesias Esponda, 30).
Mercadillo de roupa -outlet, segunda man e novos deseñadores-, cómics, cd's, exposicións, dj's, sesión vermú, pinchos e tapas a prezos populares... Se queredes ver todo o que pasou no Reciclaxe 2008, ademais do vídeo que nos fixo Alberto Baamonde, aquí tedes unas cantas fotos de Tamara de la Fuente.